Ավելի քան երկու տարի տևած դատական քննությունից հետո ՀՀ Երևան քաղաքի առաջին ատյանի ընդհանուր իրավասության քաղաքացիական դատարանը (դատավոր` Ալֆրեդ Վարդանյան) ԵԴ/3181/02/23 քաղաքացիական գործով մերժեց մեր վստահորդ Արամ Միքաելյանին զրպարտության ու վիրավորանքի համար պատասխանատվության ենթարկելու պահանջով դատարան ներկայացված հայցը:
Բարձր ենք գնահատում դատավորի` դատավարությունը վարելու արհեստավարժությունը, դատական ակտը հիմնավորելու և պատճառաբանելու ցուցաբերած մոտեցումը: Դատական համակարգի ու արդարադատության հանդեպ հարգանքն ու վերաբերմունքը ձևավորվում ու ամրանում է հենց նման դատավորների ու արդարադատության շնորհիվ:
Շնորհակալ ենք նաև մեր վստահորդ Արամ Միքաելյանին դատավարության ողջ ընթացքում ցուցաբերած զսպվածության ու համբերատարության, հակառակ կողմի հանդեպ ցուցաբերած մասնագիտական հարգանքի համար: Արամ Միքաելյանը դատարանում ևս հայտարարել էր, որ որևէ մեկին անձնական վիրավորանք հասցնելու կամ զրպարտելու նպատակ և ցանկություն չի ունեցել, հրաժարվել է անգամ իր կատարած դատական ծախսերը հատուցելու պահանջ ներկայացնելուց, կարևորելով բացառապես օրինականությունն ու արդարադատությունը:
