Քաղաքացիական գործ

«Էլ ԷՍ ԷՅ» իրավաբանական ընկերության վստահորդ Ե.Բ.-ն «ՎիԷմ Արմենիա» ՍՊԸ-ից կստանա 71 միլիոն ՀՀ դրամից ավելի հատուցում (հարկադիր պարապուրդի և աշխատանքում չվերականգնվելու դիմաց ընդհանուր փոխհատուցում) իրեն ապօրինաբար աշխատանքից հեռացնելու համար /թիվ ԵԴ2/1514/02/24 քաղաքացիական գործով կայացված և ուժի մեջ մտած դատական ակտի համաձայն/:

ՀՀ հակակոռուպցիոն դատարանը, քննելով ՀՀ գլխավոր դատախազության կողմից ներկայացված հայցադիմումը` Նաիրի համայնքում գտնվող հողամասերի աճուրդն անվավեր ճանաչելու և անվավերության հետևանքներ կիրառելու մասին, 2025թ. ապրիլի 28-ին կայացրած վճռով որոշեց այն բավարարել միայն մասնակի հետևանքների մասով ամբողջությամբ մերժելով այն:

ՀՀ-ում գործող ապահովագրական ընկերություններից մեկը հայց էր ներկայացրել մեր վստահորդ Ե.Ս.-ի դեմ հատուցված ապահովագրական գումարի բռնագանձման պահանջով՝ հետդարձի պահանջի իրավունքի համաձայն: Մեր գրասենյակի փաստաբան Էդգար Այվազյանի կողմից Ե.Ս.-ի ներկայացուցչությունը ստանձնելուց և հայցային վաղեմություն կիրառելու միջնորդություն ներկայացնելուց օրեր անց ապահովագրական ընկերությունը հրաժարվել է ներկայացված պահանջից /քաղաքացիական գործ թիվ ԱՐԱԴ/0951/02/24/: Այսպիսով՝ ապահովագրական ընկերությունների դեմ ֆիզիկական անձանց ներկայացուցչությունն իրականացնելու՝ մեր գրասենյակի հարուստ և արդյունավետ պրակտիկային ավելացավ ևս մեկ հաղթանակ:

Ավելի քան երկու տարի տևած դատական քննությունից հետո ՀՀ Երևան քաղաքի առաջին ատյանի ընդհանուր իրավասության քաղաքացիական դատարանը (դատավոր` Ալֆրեդ Վարդանյան) ԵԴ/3181/02/23 քաղաքացիական գործով մերժեց մեր վստահորդ Արամ Միքաելյանին զրպարտության ու վիրավորանքի համար պատասխանատվության ենթարկելու պահանջով դատարան ներկայացված հայցը:

«Էլ Էս Էյ» իրավաբանական ընկերությունը ներկայացնում է նաև օտարերկյա իրավաբանական անձանց շահերը ինչպես վեճերի լուծման արտադատական փուլում, այնպես էլ ՝ ՀՀ դատարաններում։ Հերթական անգամ օտարերկյա դատական ակտի ճանաչման և կատարման թույլատրելու վերաբերյալ դիմումը երկու և ավելի անգամ վերադարձվում էր ընդհանուր իրավասության առաջին ատյանի քաղաքացիական դատարանի կողմից՝ ձևական և տեխնիկական բնույթի պահանջներով, որոնք վերաբերում էին օտարերկրյա պետական մարմինների կողմից տրված փաստաթղթերի բովանդակությանը։ Բողոքարկելով ընդհանուր իրավասության առաջին ատյանի քաղաքացիական դատարանի դիմումը վերադարձնելու որոշումը վերաքննության կարգով, ի վերջո գրանցվեց հաջողություն և վերացվեց վերադարձի վերաբերյալ որոշումը։

Փաստաբաններ Տաթևիկ Մալխասյանի և Արսեն Սարդարյանի գրագետ և մանրակրկիտ աշխատանքի շնորհիվ ՀՀ վերաքննիչ քաղաքացիական դատարանը անվավեր ճանաչեց 01.03.2021 թվականին /երկրորդ փուլ մարտի 15-ին/ տեղի ունեցած «Հայաստանի ազգային պոլիտեխնիկական համալսարան» հիմնադրամի ռեկտորի ընտրության արդյունքները: Որպես հետևանք անվավեր ճանաչեց «Հայաստանի ազգային պոլիտեխնիկական համալասարան» հիմնադրամի ռեկտորի ընտրության արդյուքնները հաստատելու մասին» ՀՀ Կառավարության 03.05.2021 թվականի թիվ 703-Ա որոշումը: