ՀՀ քննչական կոմիտեի զինվորական քննչական գլխավոր վարչության 10-րդ կայազորային քննչական բաժնում դեռևս 2022 թվականից քննվող թիվ 92222422 քրեական վարույթով մեր գրասենյակի փաստաբան Անդրանիկ Մնացականյանի վստահորդ Մ.Խ.-ի նկատմամբ 2025 թվականի դեկտեմբերի 22-ին հանրային քրեական հետապնդում էր հարուցվել 2003 թվականին ընդունված ՀՀ քրեական օրենսգրքի 327-րդ հոդվածի 2-րդ մասի 2-րդ կետով նախատեսված ծանր հանցագործություն ենթադրաբար կատարելու համար և նրան մեղադրանք էր ներկայացվել այն բանի համար, թե իբր նա կեղծ հիվանդության հիմքով խուսափել է պարտադիր ժամկետային զինվորական ծառայությունից:
Հատկանշական է, որ Մ.Խ.-ի նկատմամբ հարուցված քրեական հետապնդման հիմքում դրվել էր բացառապես ենթադրյալ կեղծ հիվանդության մասին օպերատիվ-հետախուզական գործունեություն իրականացնող մարմնից ստացված օպերատիվ գրությունը, սակայն ճիշտ իրականացված պաշտպանության և կատարված դատաբժշկական արդյունքներով ամբողջությամբ հերքվել է Մ.Խ.-ի հիվանդության կեղծ լինելու հանգամանքը և հաստատվել է, որ նա պարտադիր ժամկետային զինվորական ծառայությունից ազատվել է օրենսդրությամբ սահմանված կարգով:
Արդյունքում՝ 2026 թվականի հոկտեմբերի 16-ին հսկող դատախազի կողմից որոշում է կայացվել Մ.Խ.-ի նկատմամբ իրականացվող քրեական հետապնդումը դադարեցնելու մասին՝ մեղսագրվող արարքը կատարած չլինելու արդարացնող հիմքով:
