Երկու դրվագ միջին ծանրության հանցագործության մեջ մեղադրվող մեր վստահորդ Մ.Շ.-ի նկատմամբ դատարանը կիրառեց տնային կալանք խափանման միջոցը

«LSA» փաստաբանական գրասենյակի փաստաբաններ Արսեն Սարդարյանի և Էդգար Այվազյանի արդյունավետ պաշտպանության արդյունքում, երկու դրվագ միջին ծանրության հանցագործության մեջ մեղադրվող մեր վստահորդ Մ.Շ.-ի նկատմամբ դատարանը կիրառեց տնային կալանք խափանման միջոցը՝ մեկ ամիս ժամանալով, ընդ որում դատարանը երկու դրվագներից մեկով արձանագրել է հիմնավոր կասկածի բացակայություն: Շնորհակալություն ենք հայտնում դատավոր Արման Հովհաննիսյանին, անկախ գրագետ և պրոֆեսիոնալ արդարադատություն իրականացնելու համար: Ինչպես նաև առանձին շնորհակալություն Դատավորի աշխատակազմին, բարեհամբյուր և ուշադիր աշխատանքի համար:

Ծանր և առանձնապես ծանր հանցագործության մեջ մեղադրվող մեր վստահորդ Վ.Ա-ի նկատմամբ դատարանի որոշմամբ կիրառվեց գրավ, որպես խափանման միջոց և վերջինս ազատվեց կալանքից: Շնորհակալ ենք դատավոր Վահե Միսակյանից օբյեկտիվ և արդարացի դատական ակտ կայացնելու համար:

Դեռևս 2021 թվականի հունիսի 10-ի որոշմամբ Երևան քաղաքի առաջին ատյանի ընդհանուր իրավասության դատարանի որոշմամբ բավարարվել էր՝ ՀՀ ոստիկանության պետի առաջին տեղակալի միջնորդությունը մեր վստահորդի նկատմամբ Հեռախոսային խոսակցությունների վերահսկում օպերատիվ հետախուզական միջոցառում իրականացնելու թույլտվություն տրամադրելու վերաբերյալ:

Մեր պաշտպանյալ Յ.Բ. ՀՀ-ում ձերբակալել էին Ռուսաստանի Դաշնության կողմից միջազգային հետախուզման հիման վրա: Վերջինս ՌԴ-ում մեղադրվում էր հինգ դրվագ խոշոր չափերով խարդախություն կատարելու մեջ և նրան պահանջում էին հանձնել համաձայն <<Քաղաքացիական, ընտանեկան և քրեական գործերով իրավական օգնության և իրավական հարաբերությունների մասին>> 1993թ. Մինկի կոնվենցիայի: Այս գործով մեր թիմի փաստաբաններին հաջողվել է արձանագրել հաղթանակ, ինչի շնորհիվ Յ.Բ. չի հանձնվել ՌԴ: Սկզբում դատարանը մերժել է ՀՀ արդարադատության նախարարության ներկայացրած՝ կալանավորելու վերաբերյալ միջնորդությունը, և Յ.Բ. ազատ է արձակվել անմիջապես դատական նիստերի դահլիճից: Վերոնշյալ հաղթանակը նպաստեց հաջորդ հաղթանակին, երբ Արդարադատության նախարարությունը բավարարեց մեր կողմից ներկայացված միջնորդությունը և մերժեց Յ.Բ. ՌԴ-ին հանձնելու պահանջը: Այս գործի առանձնահատկությունն այն էր, որ մեր թիմին հաջողվեց ցույց տալ, որ ՌԴ-ում Յ.Բ.-ին ներկայացված մեղադրանքը բավարար չափով որոշակի չէ, ինչից հետևում է, որ նրան մեղսագրվող արարքի՝ ՀՀ-ում հանցագործություն լինելը հիմնավորված չէ: Նման հիմքով հանձնելու մերժումը եզակի դեպք է ՀՀ-ի պրակտիկայում: