Քրեական գործ

Դեռևս 2021 թվականի հունիսի 10-ի որոշմամբ Երևան քաղաքի առաջին ատյանի ընդհանուր իրավասության դատարանի որոշմամբ բավարարվել էր՝ ՀՀ ոստիկանության պետի առաջին տեղակալի միջնորդությունը մեր վստահորդի նկատմամբ Հեռախոսային խոսակցությունների վերահսկում օպերատիվ հետախուզական միջոցառում իրականացնելու թույլտվություն տրամադրելու վերաբերյալ:

Մեր պաշտպանյալ Յ.Բ. ՀՀ-ում ձերբակալել էին Ռուսաստանի Դաշնության կողմից միջազգային հետախուզման հիման վրա: Վերջինս ՌԴ-ում մեղադրվում էր հինգ դրվագ խոշոր չափերով խարդախություն կատարելու մեջ և նրան պահանջում էին հանձնել համաձայն <<Քաղաքացիական, ընտանեկան և քրեական գործերով իրավական օգնության և իրավական հարաբերությունների մասին>> 1993թ. Մինկի կոնվենցիայի: Այս գործով մեր թիմի փաստաբաններին հաջողվել է արձանագրել հաղթանակ, ինչի շնորհիվ Յ.Բ. չի հանձնվել ՌԴ: Սկզբում դատարանը մերժել է ՀՀ արդարադատության նախարարության ներկայացրած՝ կալանավորելու վերաբերյալ միջնորդությունը, և Յ.Բ. ազատ է արձակվել անմիջապես դատական նիստերի դահլիճից: Վերոնշյալ հաղթանակը նպաստեց հաջորդ հաղթանակին, երբ Արդարադատության նախարարությունը բավարարեց մեր կողմից ներկայացված միջնորդությունը և մերժեց Յ.Բ. ՌԴ-ին հանձնելու պահանջը: Այս գործի առանձնահատկությունն այն էր, որ մեր թիմին հաջողվեց ցույց տալ, որ ՌԴ-ում Յ.Բ.-ին ներկայացված մեղադրանքը բավարար չափով որոշակի չէ, ինչից հետևում է, որ նրան մեղսագրվող արարքի՝ ՀՀ-ում հանցագործություն լինելը հիմնավորված չէ: Նման հիմքով հանձնելու մերժումը եզակի դեպք է ՀՀ-ի պրակտիկայում:

LSA փաստաբան Արսեն Սարդարյանի ջանքերի շնորհիվ դատախազության կողմից թիվ 43155720 քրեական վարույթով Բ.Մ.-ի և Դ.Բ.-ի նկատմամբ դադարեցվեց հանրային քրեական հետապնդումը՝ վերջիններիս կողմից, համապատասխան, ՀՀ նախկին քրեական օրենսգրքի 308-րդ հոդվածի 1-ին և 38-308-րդ հոդվածի 1-ին մասով նախատեսված և մեղսագրվող արարքը կատարած չլինելու հիմքով և նրանց նկատմամբ կիրառված խափանման միջոցը վերացվեց:

Երևան քաղաքի առաջին ատյանի ընդհանուր իրավասության քրեական դատարանը, քննելով մեր գրասենյակի փաստաբաններ Արսեն Սարդարյանի և Էդգար Այվազյանի վստահորդ, կեղծ անձնագիր օգտագործելու և ՀՀ պետական սահմանը ապօրինի հատելու մեջ մեղադրվող, Իրանի Իսլամական Հանրապետության քաղաքացի Ֆ.Գ.-ի նկատմամբ կալանքը, որպես խափանման միջոց կիրառելու միջնորդությունը, մերժել է այն՝ Ֆ.Գ.-ի նկատմամբ որպես խափանման միջոցներ ընտրելով վարչական հսկողությունը, գրավը և բացակայելու արգելքը: Շնորհակալ ենք դատավոր Մարտին Արզումանյանին՝ օրինական, մրցակցային դատավարություն անցկացնելու, ինչպես նաև բացառիկ մարդասիրական ու պատճառաբանված դատական ակտ կայացնելու համար:

Արդարադատության հանդեպ հավատը չկորցնելով՝ փաստաբան Արսեն Սարդարյանը երկար ժամանակ պայքարում էր արդարադատության հասնելու համար և, ի վերջո, Սյունիքի Մարզի ընդհանուր իրավասության դատարանը, դատավոր Լուսինե Սեփխանյանի նախագահությամբ, արդարացրեց Սյունիքի մարզի ընդհանուր իրավասության դատավոր Բորիս Բախշիյանին: