ՀԵՏԱԽՈՒԶՄԱՆ ՄԵՋ ԳՏՆՎՈՂ ՄԵՐ ՎՍՏԱՀՈՐԴԻ ԱՐՏԱՀԱՆՁՆՈՒՄ ՏԵՂԻ ՉՈՒՆԵՑԱՎ ԵՎ ՆԱ ՎԵՐԱԴԱՐՁԱՎ ԻՐ ՔԱՂԱՔԱՑԻՈՒԹՅԱՆ ԵՐԿԻՐ

ՀԵՏԱԽՈՒԶՄԱՆ ՄԵՋ ԳՏՆՎՈՂ ՄԵՐ ՎՍՏԱՀՈՐԴԻ ԱՐՏԱՀԱՆՁՆՈՒՄ ՏԵՂԻ ՉՈՒՆԵՑԱՎ ԵՎ ՆԱ ՎԵՐԱԴԱՐՁԱՎ ԻՐ ՔԱՂԱՔԱՑԻՈՒԹՅԱՆ ԵՐԿԻՐ

Դեռևս 25.03.2024թ. ՀՀ քննչական կոմիտեում քննվող քրեական վարույթով մեր վստահորդ Ա.Խ.-ի նկատմամբ հանրային քրեական հետապնդում էր հարուցվել 2.872.891.536 ՀՀ դրամի չափով հարկ վճարելուց խուսափելու մեղադրանքով: Նշված քրեական վարույթով մեղադրյալի պաշտպանությունը ստանձնել էր «LSA» փաստաբանական գրասենյակի գործընկեր-փաստաբան Գուրգեն Ներսիսյանը, ով մեղադրյալի և նրա հիմնադրած կազմակերպության շահերը ներկայացրել էր ոչ միայն քրեական վարույթի, այլև նախաքննական մարմնի նախաձեռնությամբ նշանակված համալիր հարկային ստուգման, գործով կատարված դատահաշվապահական փորձաքննությունների շրջանակներում: Նախաքննության ընթացքում պաշտպանի կողմից ներկայացվել էին բազմաթիվ միջնորդություններ, բողոքներ, վարչական դատարանում վիճարկվել էին համալիր հարկային ստուգման արդյունքները, դատահաշվապահական փորձաքննության եզրակացությամբ հաջողվել էր հիմնավորել համալիր հարկային ստուգման ընթացքում կիրառված մեթոդների ու հարկի հաշվարկման եղանակի ոչ իրավաչափ լինելը:

ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչությունում տևական ժամանակ քննվող քրեական վարույթով մեր գրասենյակի փաստաբան Անդրանիկ Մնացականյանի վստահորդ Ր.Ն.-ի նկատմամբ 2025 թվականի հուլիսի ամսին հանրային քրեական հետապնդում էր հարուցվել ՀՀ քրեական օրենսգրքի 296-րդ հոդվածի 3-րդ մասի 3-րդ կետով նախատեսված առանձնապես ծանր հանցագործություն (առանձնապես խոշոր չափերով փողերի լվացում) ենթադրաբար կատարելու համար, ինչպես նաև նրա նկատմամբ որպես խափանման միջոց էր կիրառվել կալանքը: Վերաքննիչ բողոքարկման արդյունքում 2025 թվականի օգոստոս ամսին Ր.Ն.-ի նկատմամբ որպես խափանման միջոց կիրառված կալանքը փոփոխվել էր և որպես համակցված խափանման միջոցներ կիրառվել էին տնային կալանքը, գրավը և բացակայելու արգելքը: Քրեական վարույթի հետագա քննության ընթացքում Ր.Ն.-ի նկատմամբ որպես խափանման միջոց կիրառված տնային կալանքի ժամկետը երկու անգամ երկարաձգվել էր 2-ական ամսով: