Գործեր

Վերջին շրջանում հաճախակի են արձանագրվում դեպքեր, երբ հատկապես տնտեսական հանցագործությունների առնչությամբ նախաձեռնված քրեական վարույթների շրջանակում քննիչների կողմից խուզարկություններ են կատարվում, որից հետո գործունեության վայր հանդիսացող խանութի կամ դեղատան դռները կնքվում են, փակվում անորոշ ժամկետով` այդպիսով փաստացի դադարեցնելով տվյալ սուբյեկտի գործունեությունը:

Կեղծ փաստաթուղթ օգտագործելու և ՀՀ պետական սահմանն ապօրինի հատելու փորձ կատարելու մեջ մեղադրվող` Դոմինիկյան Հանրապետության քաղաքացի Յ.Կ.-ի նկատմամբ դեռևս 18.08.2025թ. ՀՀ Երևան քաղաքի առաջին ատյանի ընդհանուր իրավասության քրեական դատարանի որոշմամբ որպես խափանման միջոց էր ընտրվել երկամսյա կալանքը:

ՀՀ Հակակոռուպցիոն դատարանը, նախագահությամբ դատավոր Սարգիս Պետրոսյանի, 2025թ. սեպտեմբերի 18-ին կայացրած վերդիկտով ճանաչեց և հռչակեց թմրամիջոցի իրացման և պաշտոնական լիազորությունների չարաշահման մեջ մեղադրվող մեր գրասենյակի փաստաբան Էդգար Այվազյանի վստահորդ Է.Ն.-ի անմեղությունը:

Երևան քաղաքի առաջին ատյանի ընդհանուր իրավասության քրեական դատարանը 2025թ. օգոստոսի 5-ին տեղի ունեցած նախնական դատալսումների ժամանակ մեր գրասենյակի փաստաբան Էդգար Այվազյանի վստահորդ առանձնապես ծանր հանցագործության /ՀՀ քրեական օրենսգրքի 393-րդ հոդվածի 3-րդ մասի 2-րդ կետ/ կատարման մեջ մեղադրվող Ա.Ա.-ի նկատմամբ որպես խափանման միջոց կիրառված կալանքը փոխարինեց այլընտրանքային խափանման միջոցներով տնային կալանքով…

ՀՀ հակակոռուպցիոն կոմիտեում քննվող քրեական վարույթով մեր գրասենյակի փաստաբան Անդրանիկ Մնացականյանի վստահորդ, բուժաշխատող Լ.Գ.-ի նկատմամբ հանրային քրեական հետապնդում էր հարուցվել ՀՀ քրեական օրենսգրքի 272-րդ հոդվածի 2-րդ մասի 3-րդ կետով (մասնավոր ոլորտում կաշառք ստանալը՝ ապօրինի գործողության համար), 174-րդ հոդվածի 1-ին մասով (հղիության ապօրինի արհեստական ընդհատում կատարելը) և 457-րդ հոդվածի 1-ին մասով…