Վարչական գործ

ՀՀ ԱՆ Հարկադիր կատարումն ապահովող ծառայությունը հրաժարվել էր կարճել համատեղ սեփականության իրավունքով մեր վստահորդ Հ.Պ.-ին պատկանող գույքի վրա կիրառված արգելանքները: Արդյունքում մյուս սեականատիրոջ կողմից հայցադիմում էր ներկայացվել ՀՀ վարչական դատարան` Հարկադիր կատարումն ապահովող ծառայությանը կատարողական վարույթները կարճելուն պարտավորեցնելու մասին: Տվյալ գործի շրջանակներում Հ.Պ.-ն ներգրավվել է երրորդ անձ, իսկ նրա շահերը դատարանում ներկայացրել են մեր գրասենյակի փաստաբաններ Արսեն Սարդարյանը և Էդգար Այվազյանը:

2024 թվականի ապրիլի 25-ին LSA ընկերության (փաստաբան՝ Արփինե Գևորգյան) վստահորդ Գ․Պ․-ի անունից հայց էր ներկայացվել Երևան քաղաքի առաջին ատյանի ընդհանուր իրավասության դատարան՝ ընդդեմ կառուցապատող ընկերության։ Հայցը ներկայացվել էր գումարի բռնագանձման պահանջով՝ մեր ընկերության վստահորդ Գ.Պ.-ի բնակարանը հանձնելու ժամկետների ուշացման համար։

Շինարարությունը այնպիսի գործընթաց է, որի թե փաստաթղթավորման, թե բուն իրականացման ընթացքում կարող են ծագել բազմապիսի  հարցեր ու խնդիրներ: Այն առաջին իսկ պահից անցնում է զանազան փուլերով, որոնց առաջնային նպատակներից է շինարարության ընթացքում և այն ավարտելուց հետո ֆիզիկական ու իրավաբանական անձանց իրավունքների պաշտպանությունը և հնարավոր խախտումներից զերծ պահելը: ՀՀ օրենսդրությունը պարունակում է այդպիսի վտանգ պարունակող շինարարական օբյեկտներից ֆիզիկական ու իրավաբանական անձանց դատական պաշտպանության հնարավորություն, ինչպիսին է նաև դատական վիճարկման փուլում շինարարության թույլտվության կասեցումը:

Իրավունքի զարգացման տեսակետից թիվ ՎԴ/14392/05/25գործով վերաքննիչ վաչական դատարանի դատավոր Հայկ Խաչատրյանը արժեքավոր որոշում է կայացրել:

Միասնական սոցիալական ծառայությունը մեր գրասենյակի 3 վստահորդներին հրաժարվել էր նշանակել երկարամյա ծառայության զինվորական կենսաթոշակ՝ փաստացի չհաշվելով աշխատանքային ստաժի մի զգալի հատվածը: Մեր գրասենյակի փաստաբաններ Տաթևիկ Մալխասյանի և Էդգար Այվազյանի կողմից ներկայացված հիմնավորումների արդյունքում ՀՀ վարչական դատարանը արձանագրել է, որ Միասնական սոցիալական ծառայությունը սխալ է մեկնաբանել օրենսդրական կարգավորումները, ուստի պարտավորեցրել է վերջինիս մեր վստահորդներին նշանակել իրենց հասանելիք կենսաթոշակը /վարչական գործեր թիվ ՎԴ5/0637/05/24, ՎԴ5/0637/05/24, ՎԴ5/0639/05/24/: Շնորհակալ ենք դատավոր Նարեկ Գասպարյանին արդարացի դատական ակտի կայացման համար:

Մեր գրասենյակի վստահորդ Ա.Գ.-ն դիմել էր Երևանի քաղաքապետարան՝ խնդրելով վերականգնել իրեն պատկանող բնակելի տան և դրա համար առանձնացված հողամասի հողհատկացման հիմքերը: Սահմանված ժամկետում Երևանի քաղաքապետից այդպես էլ պատասխան չստանալով՝ փաստաբան Էդգար Այվազյանի կողմից հայցադիմում է ներկայացվել ՀՀ վարչական դատարան: Վարչական դատարանը 2025թ. ապրիլի 7-ին, քննելով հայցադիմումը, ամբողջությամբ բավարարել է այն՝ պարտավորեցնելով Երևանի քաղաքապետին տրամադրել մեր վստահորդի սեփականության իրավունքը վերականգնելու վերաբերյալ որոշումը /վարչական գործ թիվ ՎԴ/7416/05/24/: