Քրեական գործ

ՀՀ Հակակոռուպցիոն դատարանը, նախագահությամբ դատավոր Սարգիս Պետրոսյանի, 2025թ. սեպտեմբերի 18-ին կայացրած վերդիկտով ճանաչեց և հռչակեց թմրամիջոցի իրացման և պաշտոնական լիազորությունների չարաշահման մեջ մեղադրվող մեր գրասենյակի փաստաբան Էդգար Այվազյանի վստահորդ Է.Ն.-ի անմեղությունը:

Երևան քաղաքի առաջին ատյանի ընդհանուր իրավասության քրեական դատարանը 2025թ. օգոստոսի 5-ին տեղի ունեցած նախնական դատալսումների ժամանակ մեր գրասենյակի փաստաբան Էդգար Այվազյանի վստահորդ առանձնապես ծանր հանցագործության /ՀՀ քրեական օրենսգրքի 393-րդ հոդվածի 3-րդ մասի 2-րդ կետ/ կատարման մեջ մեղադրվող Ա.Ա.-ի նկատմամբ որպես խափանման միջոց կիրառված կալանքը փոխարինեց այլընտրանքային խափանման միջոցներով տնային կալանքով և բացակայելու արգելքով: Դատարանը խափանման միջոցի փոփոխման հարցը քննարկելիս հատուկ գնահատման արժանացրեց մեղադրյալի անձը բնութագրող տվյալները, ինչի համար շնորհակալ ենք դատավոր Սուսաննա Գզոգյանին՝ արդարացի և մարդասիրական որոշման կայացման համար:

ՀՀ հակակոռուպցիոն կոմիտեում քննվող քրեական վարույթով մեր գրասենյակի փաստաբան Անդրանիկ Մնացականյանի վստահորդ, բուժաշխատող Լ.Գ.-ի նկատմամբ հանրային քրեական հետապնդում էր հարուցվել ՀՀ քրեական օրենսգրքի 272-րդ հոդվածի 2-րդ մասի 3-րդ կետով (մասնավոր ոլորտում կաշառք ստանալը՝ ապօրինի գործողության համար), 174-րդ հոդվածի 1-ին մասով (հղիության ապօրինի արհեստական ընդհատում կատարելը) և 457-րդ հոդվածի 1-ին մասով (փաստաթղթեր կեղծելը) նախատեսված հանցագործություններ ենթադրաբար կատարելու համար, ինչպես նաև որոշում էր կայացվել կալանքը որպես խափանման միջոց կիրառելու նպատակով դատարան ներկայացնելու համար նրան ձերբակալելու մասին:

ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչության ստորաբաժանումները շարունակում են տնտեսական գործունեության դեմ ուղղված` ենթադրյալ հանցագործությունների դեպքերի վերաբերյալ նախաձեռնված վարույթներով կիրառել կոշտ քրեադատավարական միջոցառումներ:

Սույն թվականի հուլիսի 11-ին մեր վստահորդ, ալկոհոլային խմիչքների արտադրությամբ զբաղվող խոշոր կազմակերպության տնօրեն Ե.Վ.-ն, ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչության քննիչի որոշմամբ ձերբակալվել էր, նույն օրը նրան մեղադրանք էր առաջադրվել առանձնապես խոշոր չափով հարկ վճարելուց խուսափելու ենթադրյալ հանցավոր արարքի կատարման համար և դատարան էր ներկայացվել կալանքը որպես խափանման միջոց կիրառելու միջնորդություն:

 Երևան քաղաքի առաջին ատյանի ընդհանուր իրավասության քրեական դատարանը, քննելով մեր գրասենյակի փաստաբաններ Արսեն Սարդարյանի և Էդգար Այվազյանի վստահորդ, ծանր հանցագործության /ՀՀ քրեական օրենսգրքի 393-րդ հոդվածի 1-ին մաս/ մեջ մեղադրվող Դ.Ա.-ի նկատմամբ կալանքը որպես խափանման միջոց կիրառելու վերաբերյալ միջնորդությունը, մերժեց այն՝ կիրառելով այլընտրանքային խափանման միջոցներ` տնային կալանք, գրավ և բացակայելու արգելք: